Cagayan de Oro: Mga magtutudlo, guidance counselors mipailawom sa school-based teen center operators’ training

0
0

35 ka maestra nga mga Population Development Club Moderators gikan sa nagkadaiyang national high schools ug 35 ka guidance counselors sa teen centers ang mipailawom sa School-Based Teen Center Operators’ Training and Forum nga gipahigayon sa Grand Caprice ning syudad.

Visit RPN DXKO Cagayan de Oro

Lakip sa gitun-an sa Population Development Club Moderators ang kalabot sa Sexually Healthy and Personally Empowered (SHAPE) module  gamit ang Comprehensive Sexuality Education (CSE)  isip principle ug approach nga gimugna sa Commission on Population and Development.

Tumong sa maong training ang paghatag ug pagtudlo sa mga kabatan-onan sa saktong impormasyon kalabot sa human sexuality, sexual and reproductive health sa konteksto sa tawhanong katungod; pagpalambo sa life skills aron maatiman ug mapanindot ang relasyon tali miyembro sa pamilya, kahigalaan ug hinigugma.

Sa laing bahin, natun-an usab sa 35 ka guidance counselors sa teen centers ang kalabot sa Psychological First Aid and Basic Attending Skills.

Mipaabot sa ilang hugot nga suporta sila si Acting City Administrator Atty. Roy Hilario P. Raagas ug City Councilor Alam Lim kinsa mirepresentar kang Mayor Klarex Uy ug gipasalamatan niini ang mga Population Development Club Moderators sa ilang kontribusyon sa paghulma sa mga kabatan-onan.

Ang School-Based Teen Center Operators Training usa ka ‘collaborative project’ tali sa Community Improvement Division— Adolescent Health and Development Program – CDO uban sa pag-abag sa  Department of Education City Schools Division, Commission on Population and Development – Region X ug City Social Welfare Department.

Kini nunot usab sa kasaulogan sa Oro Youth month.

(Source: CIO-Cagayan de Oro City)

LEAVE A REPLY

Please enter your comment!
Please enter your name here