Ang mga ahente sa Bureau of Customs (BoC) nihimo og surpresang pagbisita sa usa ka bodega sa syudad sa Cagayan de Oro niadtong Martes, Agosto 23, samtang ang kampanya sa administrasyong Marcos batok sa mga sugar hoarder ug profiteers mibalhin sa Northern Mindanao.
Tungod sa mando sa Office of the President (OP), ang mga operatiba sa BOC nilusot sa pipila ka mga bodega sa asukal nga nakita sa Crystal Sugar Milling Inc. nga nahimutang sa may North Poblacion Maramag Bukidnon.
Mitambad kanila ang liboan ka mga sako sa asukal. Sa inisyal nga imbestigasyon nga gihimo sa Customs Intelligence and Investigation Service (CIIS) nagpakita nga sa kinatibuk-ang na-imbentaryo nga 466,142 ka sako sa asukar, mokabat sa 264,000 ka sako ang giingong nabaligya na ngadto sa mga negosyante ug ang mga stock wala pa ma-withdraw gikan sa bodega. (Cheleste Simene)