34.7 C
Manila
Thursday, March 28, 2024

Cagayan de Oro: Lalaki gitulis ug dunggab patay sa may Brgy. Dansolihon, CdeO City

- Advertisement -

PATAY ang usa ka lalaki nga matud pa gitulis ug dunggab sa duha ka suspetsado sa tindahan nga L&N Store sa may Sitio Bulahan, Brgy. Dansolihon, Cagayan de Oro City niadtong Lunes alas dos sa hapon, Agosto 15, 2022.

Ang biktima naila nga si Mark Lenn Maraguinot y Agad, 34 anyos, minyo, ug stay in worker sa nasampit nga tindahan. Samtang ang mga supetsado naila nga sila si Edzel Manual Cabaring ug Botchie Hidalgo, hingkod ang mga panuigon, ug pulos residente sa Sitio Bulahan, Brgy. Dansolihon sa parehong dakbayan.

Hisayran nga Nanawagan ang concern citizen sa hotline sa kapulisan sa Police Station 8 Lumbia, Cagayan de Oro City og nitaho dayun nangayo og tabang sa kapulisan kalabot sa giingong robbery with homicide incident nga nahitabo sa nahisgutang lugar.

Diha-diha dayon ang mga personahe sa kapulisan snga gipangunahan ni PMAJ ALDREN E BACULIO, STACOM, mipaingon sa nasangpit nga lugar aron pag-verify sa maong report. Pag-abot sa lugar, ilang naabtan ang biktima nga nag-kulob sa sulod sa nahisgutang tindahan, nagtabon sa kaugalingon niyang dugo, puno sa samad dinunggaban sa lawas, ug walay timailhan sa kinabuhi.

Ang mga mirespondeng personnel sa PS 8 nihimo og hotpursuit operation nga miresulta sa pagkasikop sa nahisgutang mga suspek.Ang suspek anaa na sa kustodiya sa estasyon alang sa pagpasaka og kaso. Ang mga mirespondeng personnel nangayo og tabang sa SOCO.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -