Giila sa City Health Office (CHO) ang ‘myocardial infraction’ o heart attack isip nag-unang sakit nga maoy hinungdan sa kamatayon ning syudad.
Basi sa datos sa CHO, mitala og 202 ang namatay tungod sa sakit sa kasing-kasing sa tuig 2021, kompara sa 5-year average gikan sa 2016-2020 nga aduna lamang 127 deaths.
Matud ni City Health Officer Dr. Rachel Dilla, 28 matag semana ang natalang patay tungod sa maong sakit ug usa kini sa mga gitawag nga ‘lifestyle diseases’ nga sarang makuha gikan sa matang sa kinabuhi nga ilang gipuy-an.
Lakip sa top 10 lifestyle diseases mao ang COVID 19, hypertensive cardiovascular disease, cancer, pneumonia, diabetes mellitus, cerebrovascular disease, vehicular accident, chronic kidney disease, tuberculosis ug chronic obstructive coronary disease nga maoy resulta sa pagpanigarilyo.
Tungod niini, naghangyo ang CHO nga ampingan sa katawhan ang ilang panglawas ug likayan ang mga hinungdan sa maong sakit.
(Source: CHO | Cagayan de Oro City Information Office Facebook page)