31.2 C
Manila
Friday, March 29, 2024

Cagayan de Oro: Diskwento caravan; fiesta ug balik eskwela edition gibuksan

- Advertisement -

Gibuksan na ang upat (4) ka adlaw nga ‘Diskwento Caravan: Fiesta and Balik-Eskwela Edition’ diha sa City Hall Mini Park ning buntag, Agosto 25, isip usa sa mga parallel activities sa Higalaay Festival 2022 nga gipasiugdahan sa Department of Trade and Industry (DTI) uban sa kagamhanan ning syudad.

Visit RPN DXKO Cagayan de Oro

Atol sa opening program, gikalipay ni DTI – Misamis Oriental Provincial Director Almer Masillones ang mainitong pagsuporta sa lokal nga kagamhanan sa maong kalihukan diin iyang gipadayag nga mismo’ng si Mayor Rolando ‘Klarex’ Uy ang mihangyo nga dugangan ang adlaw nga bukas sa publiko ang maong kalihukan.

Adunay 27 ka mga suppliers ug kompanya nga misalmot sa DTI Diskwento Caravan diin klase-klaseng mga produkto ang gitanyag sa mas ubos nga presyo sama sa grocery items, school supplies, home appliances, frozen goods, baked products, ready-to-wear apparels, ug mga produkto gikan sa Micro, Small, and Medium Enterprises (MSMEs).

Mapasalamaton usab si Kag. George S. Goking, Committee Chair on Trade and Commerce, sa higayon nga gihatag sa DTI hilabina nga dakong tabang sa mga konsumante ang mga ‘discounts’ nga anaa sa 5%-60% diha sa DTI Diskwento Caravan.

Misalmot usab sa opening program si Higalaay Festival Committee Chairperson Eileen San Juan ug Acting City Tourism Officer Chedilyn Aissa Dulguime isip pagpakita og suporta sa maong parallel event sa Higalaay Festival.

Magpadayong bukas sa publiko ang DTI Diskwento Caravan sugod Agosto 25 hangtod Agosto 28, adlaw’ng Dominggo, gikan sa alas 8:00 sa buntag hangtod alas 6:00 sa gabii. (Cheleste Simene)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -