Ang Police Regional Office 10- PBGEN LAWRENCE B COOP, Regional Director, PRO10 midayeg sa mga operating units sa malampusong illegal drug buy-bust operation nga misangpot sa pagkasikop sa usa ka personalidad sa Purok 12, Poblacion Sur, Don Carlos, Bukidnon niadtong Agosto 17, 2022.
Giila sa kapulisan ang suspek nga si Jory P. Sacote, 22 anyos, lalaki, ulitawo, residente sa P-2, Brgy. Sinangguyan, Don Carlos, Bukidnon, ug nalakip sa watchlist sa Directorate for Intelligence (DI).
Narekober atol sa operasyon ang pito ka mga heat-sealed transparent plastic sachet nga adunay sulod nga white crystalline substance nga gituohang shabu nga motimbang og kapin o kulang 35 gramos nga adunay gibanabanang Standard Drug Price nga PhP239,000.00, usa ka unit nga cellphone, usa ka unit nga motorsiklo, ug cash nga nagkantidad ug PhP600.00 sa lain-laing denominasyon.
Si Sacote gidala sa Don Carlos Municipal Police Station, Bukidnon Provincial Police Office alang sa dokumentasyon ug tukmang disposasyon.
“Gidayeg nako ang mga operating unit sa ilang labing maayo nga paningkamot sa pagdakop sa suspek. Labaw pa niini, akong gipahinumdoman kadtong mga tigpayuhot og drugas nga hunongon na ang pagkuyanap sa ilegal nga drugas kay dili ta mohunong hangtod nga mapriso kamong tanan.” Matud pa ni RD COOP.
Dugang pa, ang RD COOP miingon nga uban sa aktibong suporta sa komunidad, ang kalalakin-an ug kababayen-an sa PRO10 magpabilin nga pasalig ngadto sa pagkab-ot sa usa ka progresibo ug malinawon nga puy-anan sa Northern Mindanao. (Cheleste Simene)