Gibuksan karong adlawa, Hunyo 23, ang 52-classroom, 4-storey with ramp Bulua Central School sa pagpanguna ni Mayor Oscar Moreno, Department of Education-Division of Cagayan de Oro ug mga sakop sa Local School Board kon LSB.
Ang ₱ 76-million project mao na ang ika-42 nga school building nga natukod ubos sa administrasyon ni Mayor Moreno sukad paglingkod niini sa tuig 2013.
Kasamtangang anaa na sa 816 classrooms ang natukod sa syudad gamit ang pundo sa Special Education Fund (SEF) nga gikan usab sa real property tax.
Tumong sa administrasyon ni Mayor Moreno nga mahatagan og kasulbaran ang emergency classes nga nasinati sa dakbayan sa mga nangaging katuigan tungod sa kakulangon sa mga classrooms, ug mahatagan sa saktong edukasyon ang mga kabataan.
Lakip usab sa itunol sa dili pa matapos ang termino ni Mayor Moreno ang Cugman National High School ugmang adlawa Hunyo 24, 2022.
(News & photo courtesy of Cagayan de Oro City Philippines Facebook page)