Hugot nga gipahinumdoman ang katawhan sa Cagayan de Oro nga mag-amping kanunay sanglit misaka karon ang Average Daily Attack Rate (ADAR) sa syudad gikan sa .21 sa December 28, 2021 ngadto na sa .33 sa January 2, 2022.
Basi sa pinakaulahing datos sa City Health Office, lakip ang 2-week growth rate misaka usab sa 50% sa January 2, gikan sa -50% sa December 28, 2021.
Tungod niini, gihangyo ang tanan sa pagsunod kanunay sa minimum public health standards sama sa kanunay pagsuot sa face mask ug social distancing, ilabina kung anaa sa pampublikong lugar ug paghugas sa kamot.
Naglaum si Mayor Oscar Moreno nga ma-mintinar sa syudad ang kasamtangang alert level 2 status ug dili na mosaka ang kaso sa syudad.
(Source: Cagayan de Oro City Philippines Facebook page)