Nalakip ang pambato sa Misamis Oriental nga si Annabelle McDonnell sa top 3 sa gipahigayon nga Casting Video challenge sa Miss Universe Philippines 2022. “Work the camera and captivate the Universe,” mao kini ang kinahanglan buhaton sa mga kandidata sa maong challenge diin ang top 3 basehan pinaagi sa kombinasyon sa fan votes ug ratings sa judges.
Ang casting video challenge maoy ika-lima nga online challenge sa MUPH human ang headshot challenge, introduction challenge, swimsuit challenge, ug fashion and runway challenge nga maoy pamaagi sa organisasyon kon diin ang top 50 mahimong top 30 nga maoy mosalmot sa final competition.
Ipahigayon ang coronation night sa Miss Universe Philippines 2022 sa umalabot Abril 30, 2022 sa SM Mall of Asia Arena. Padayon nga nanawagan ang pwersa sa Kapitolyo Probinsyal nga padayong suportahan ang garbo sa lalawigan nga usa sa makatabang sa gipaninguha nga maila ang turismo sa lalawigan dili lang sa tibuok nasud apan sa tibuok kalibutan.
(Source: Misamis Oriental Provincial Information Office Facebook page)