Siyam ka barangay ang adunay active cases sa Covid-19 sa Cagayan de Oro base sa report sa City Health Office niadtong Sabado, Hunyo 18.
Segun sa data nga girepresentar sa City Health Office, ang barangay Balulang, Lumbia ug Puntod, adunay tag duha ka kaso matag usa samtang ang barangay Bulua, Gusa, Patag, Bonbon, Canitoan ug Cugman, adunay tag-usa ka kaso.
Ang cumulative number of active cases sa Cagayan de Oro anaa sa 12 diin ang usa niini naa sa Northern Mindanao Medical Center, 10 ang outpatients ug ang usa returning overseas Filipino (ROF).
Mayoriya o 87% sa narecord ang Covid-19 mortalities sa Cagayan de Oro mga walay bakuna nga individual.
Gikan niadtong Hunyo 7, ang syudad adunay total nga 941 nga nangamatay sa Covid-19 diin 823 ang wala mobakunahi samtang 13% o 118 ang nabakunahan nga mga indibidwal.
(Source: CHO)