Gikatakdang ipasaka karong adlawa sa kapolisan ngadto sa piskalya ang kaso nga parricide batok sa 11 ka indibidwal nga responsabli sa pagsunog-patay sa 84-anyos nga lola sa Sitio Palipi, Barangay Baliwagan, Balingasag, Misamis Oriental.
Gibutyag ni Balingasag Municipal Police Station, Investigator Police Staff Sergeant Robert John Galdo nga lakip sa mapasakaan sa maong kaso ang mga apo ug anak mismo sa biktima nga si Teofila Cabusas.
Una nang migawas sa imbestigasyon nga gitabangan og lahong sa mga suspek ang biktima ug gi-itsa nila sa kalayo, subay nasab sa ilang pagtuo gikan sa usa ka relihiyosong kalihukan.
Nagsilbi matud pa nga lider sa paghimo sa krimen ang apo nga nailang si Crisanto Ercilla, diin atol sa pagsunog sa biktima, gisaksihan pa nila kini dungan sa ilang pag-ampo.
Nasuta sab sa kapolisan nga polus mga walay mga kaon o mga napasmuhan ang mga suspek gumikan mag-sige lang matud pa sila og ampo sa ilang tinuohan.
Nasayran nga 7 sa mga suspek ang nadakpan na sa otoridad, diin kasagaran kanila gapakita sa bayolenteng aksyon sa dihang gipang-kustodiya sa Balingasag PNP, samtang nagpabiling gawasnon ang 4 pa ka suspek.
(Source: PNP-Misamis Oriental)