Moabot sa 370 ka mag-uuma sa barangay Tagpangi ang nakapahimulos sa libreng serbisyo nga gitanyag sa Agricultural Productivity Operations Office ug City Veterinary Office atol sa “Klarex nga Serbisyo sa Baryo” bag-ohay lang.
Lakip sa mga serbisyo nga gitunol sa APOO ang Hito ug Tilapia Production Consultation, RSBSA profiling of farmers, PCIC insurance and loans consultation, Provision of seeds and seedlings, Farm Machineries/ Irrigation System Consultation, diin 127 ka mga residente ang nakabenepisyo.
Samtang, 243 usab ka mga residente ang nakatagamtam sa serbisyo sa City Vet sama sa Livestock and Poultry (Deworming and Vitamin Supplementation), Rabies Vaccination and Deworming, Treatment of Sick Animals & Consultation, Animal Dispersal, IEC in Rabies, ASF ug Avian Influenza.
Tumong sa maong programa ni Mayor Klarex Uy nga direktang maalagaran ang katawhan, ilabina ang mga mag-uuma sa kabukiran, aron ilang mabati ug mapaduol ang serbisyo sa gobyerno ngadto sa katawhan. (Cheleste Simene)