Cagayan de Oro: 30 ka tag-iya sa restobars ug food parks mipirma’g ‘Statement of Commitment’

0
1

Nagkahiusa ang kapin 30 ka operators ug tag-iya sa mga bars, restobars ug food parks sa dakbayan human mipirma’g ‘Statement of Commitment’ isip simbolo sa ilang suporta sa mga otoridad sa pagpatuman sa mga gabayan sa dakbayan alayon minimum public health standards ug security measures.

Visit RPN DXKO Cagayan de Oro

Ang pagpirma sa maong dokumento gipahigayon atol sa panagtigum nga gipanguluhan sa Regulatory Compliance Board ubos ni Atty. Jose Edgardo ‘Egay’ Uy diin subli’ng gipahinumduman ang mga operators sa mga Covid-19 protocols ug ordinansa nga gipatuman sa lokal ug nasyonal nga kagamhanan.

Lakip sa gihangyo sa RCB ngadto sa mga operators ug tag-iya ang istriktong pagsuta sa mga vaccination cards ug Higala App diha sa mga entry points hilabi na sa mga indoor establishments.

Kahinumduman nga sa milabay’ng bulan sa Hulyo, mismong si Mayor Klarex Uy ang miuban sa surprise inspection and monitoring sa RCB aron personal nga mapadangat iyang mensahe sa katawhan nga magmabinantayon gihapon ug mihangyo sa kooperasyon sa mga establisemento.

Padayon usab ang mga surprise inspections ug monitoring sa Regulatory Compliance Board pinaagi sa Joint Inspectorate Team nga gipangulohan usab ni Inspectorate Team Leader Antonio Resma, Jr.

(Source: RCB)

LEAVE A REPLY

Please enter your comment!
Please enter your name here