Mokabat pa sa 2,946 ang natupokan sa second booster shots batok COVID-19 nga naglangkob sa immunocompromised adults, health workers ug senior citizens, sigon sa datos sa City Health Insurance Office, Hunyo 6.
Ang nasangpit nga grupo mao pa ang gitugotan sa Department of Health nga mahatagan sa second booster human upat ka bulan gikan natupokan sa first booster shot, ug tulo ka bulan usab alang sa mga ‘immunocompromised adults’.
Padayong giaghat ang katawhan, ilabina kadtong 18 anyos pataas nga wala pa matupokan sa unang booster dose nga modalikyat sa vaccination sites sa syudad aron madugangan ang proteksyon batok COVID-19 nga posibleng mihinay sukad nakakompleto sa COVID-19 vaccines primary doses.
Subling gipahinumduman ang buot magpa-booster nga magdala sa valid ID ug vaccination card.
(Source: Cagayan de Oro City Philippines Facebook page)