Nagkahiusa ang mga negosyante sa Sugbo nga maoy ilang pili-on ang mga kandidato alang sa umaabot nga eleksyon nga ilang gihulagway nga business- friendly.
Gibutyag ni Virgilio Espeleta, Presidente sa Cebu Chamber of Commerce and Industry (CCCI) nga pabor sila niadtong mga kandidato nga andam modawat og mga kausaban alang sa sektor sa patigayon.
Matud ni Espeleta, ang business-friendly nga pang gobyerno makadani ug makadapit sa mga kapitalista pagbutang sa ilang puhunan o kaha pagpalapad sa ilang investment.Â
Gipasabot ni Espeleta nga kadtong mga binuhat nga nag-ukon-ukon pagsulod sa negosyo mahimong madasig sa gobyerno nga andam mopaluyo sa maong matang sa paningkamot sa natad sa patigayon.
Midugang si Espeleta nga ang business industry mabulahan kon ang mga kandidato bukas alang sa pagmugna sa usa ka business environment diin ang mga kapitalista adunay katakos alang sa kompetisyon.
Ang CCCI sukad masukad wala ig-dungog nga migamit sa bloc voting ug wala usab kini mohimo’g dayag nga endorsement alang sa mga kandidato.