Maski dakol pang mga estruktura asin establisimiento sa banwaan nin buhi na kaipuhan haralion huli sa road clearing operation, alagad positibo si alcalde Margie moran aguinillo na sainda ining matatapos pa-dikit-dikit.
Kasunod kaini, ipinahayag ni aguinillo na sa evaluation kan DILG pasado man an marka kan banwaan sa memorandum circular no.2019-121., alagad nagsayuma naman an alcalde na sabihon kun pira an grading itinao sa banwaan nin Buhi.
Sigun sa saiya, halipot an 60 dias na itinao, alagad ginibo man giraray ninda an makakaya.
Inot kaini, nanotaran kan publiko na harus 50-60% pa sana kan mga estruktura an nahahali sa gilid kan tinampo sa sinambit ng banwaan, alagad sinabi ni aguinillo na dagos-dagos man an saindang clearing operation hasta sa maubos na mahali an mga ulang sa kalsada.
Mientras tanto, kinompirmar ni mayor aguinillo na mayo sinda nin pag-ultanan ni besi alcalde joefred balagot asin mismo an sangguniang bayan kan buhi.
Kun nagkakaigua man nin minsan dai pagkakasinabutan ini parte kan saindang trabaho asin dai kaibahan an personal na bagay.
Nanindugan pa an alcalde nan aka-andam an saiyang opisina nganing makipag-olay kun may mga bagay na dai pinagkakasunduan an saiyang opisina asin sangguniang bayan.
Mayo nin administratibong kasong inaatubang si alcalde madel yorobe alfelor kan Iriga sa sangguniang panglalawigan.
Mayo ni sarong kaso sa junta probinsyal na inaatubang an alcalde kan cuidad nin Iriga Madel Y. Alfelor.
Ini an pinaglinaw suoodma sa radio ronda ni vocal many noble kan rinconada kasabay kan pagsabi na kun igua ini tulos nindang maaaraman sa secretary asin sa chairman kan committee.
An sinambit ng pahayag kontra sa mga nainot ng nagluwas na bareta na apat soboot na kaso na an naisunad sa sangguniang panglalawigan kontra ki alfelor asin igua pa nin duwang pinaghahaman na reklamo.
Kun siisay na kampo sa cuidad nin Iriga an nagpapalakop kan soboot kaso ni alfelor ini an saiyang mga kritiko.