Tagpa-bendisyonan sanan dajon tag turn-over ngadto sa Department of Education nan Siargao Island Division an bag-o na Teachers Training Center nan jadton Abril 23, 2019 nga nahimutang sa lungsod nan Dapa, Surigao Del Norte. Tag-atendiran mismo ni Gov. Sol Matugas an kalihukan, iban na sa tuyo ka mga schools division superintendent sa tibuok probinsiya, iban isab sa mga pipila ka mga mag-tutudlo.
Ang mao na edispisyo nag-kantidad 10 milyon ka pesos kapin na-hatag gikan sa kagamhanang lokal nan probinsiya nan Surigao Del Norte para na ngadto sa mga mag-tutudlo sa isla nan Siargao.
Samtang tagpahigajon isab an pag-lusad sa Human Resource Automated System – Netwokr Infrastructure and Internet Service Connection sa Schools Division sa Siargao didto sa lungsod nan General Luna atol sa Tri-Division Eduation Leader’s Assembly, kun diin nahimo na guest of honor si Gov. Sol Matugas iban kan Dr. Luz Almeda.
May 248 ka mga eskwelahan an naka-benepisyo sa teknoloyiha nga automated transactions partikular na sa human resource department.
Nagpabati nan ija pasalamat sanan kalipay an DepEd Siargao Division Superintendent Tess Real sa matud pa wayay pu-as na suporta ni Gov. Sol Matugas nga nag-gahin nan 1.3 milyon ka pesos para sa naasoy na proyekto.
Samtang tag-pasalig isab ni Gov. Matugas na ipa-implementar isab an proyekto sa Surigao Del Norte sanan sa Surigao City Divisions, isip pasiuna nag-hatag nan mga laptops an kagamhanang pronvincial ngadto sa mga school administrators.