Lalaki, Gipisul-Patay Sa Mga Armado
July 7, 2018
Duha Ka-Pinirisong Mi-Ikyas, Malampusong Na Recover
July 7, 2018

DXKD Dipolog
Bikil Sa Trapiko, Motorcab Driver Kasuhan Ug Attempted Homicide

Adunay nahitabong bangi sa trapiko nga misangpot sa pagsulay ug luba sa usa kamotorista didto sa kadalanan sa Bonifacio St., Central Barangay ning dakbayan sa Dipolog.  Usa ka Mark Anthony Vendiola, 23-anyos, taga-Brgy. Dicayas ning dakbayan ang gamaneho sa iyang motorsiklo subay sa naasoy nga dapit padulong sa Dipolog City Hall, ang hapit madasmagan sa usa ka motorcab nga gimaneho sa giilang  Jimboy Betoy y Sularte, 46-anyos, motorcab driver, ug residente sa Brgy. Banbanan, Pres. Manuel A. Roxas, Zamboanga del Norte.

Tungod sa nahitabo, mihunong ang duha ka mga motorista aron unta sa paghusay, apan miresulta kini sa init nga lalis. Taliwala sa komprontasyon nga nahitabo, mibalik si Jimboy Betoy sa iyang motorcab ug mikuha ug hanting dungan sa pagsinggit niini ug “Patyon taka” ug misulay kini pagdunggab kang Mark Vendiola. Nakalikay ang biktima pinaagi sa paglabay niya sa iyang helmet ngadto kang Betoy aron mapugngan ang ataki.

Ang suspetsado padayon sa pagpagula’g mga maot nga pinulungan ug midasmag pag-usab sa biktima sa maka-upat nga higayon apan gilikayan kini tanan ni Vendiola.

Si PO2 Klint John Cuenca sa DCPS nga miresponde sa maong insidente ang mitawag ug back-up ug misulay pa paghangyo kang Betoy nga motahan. Sa pipila ka gutlo, miabot ang patrol vehicle sa DCPS ug malampusong na-aresto ang suspetsado ug gipahibalo usab kini sa iyang mga katungod.

Nakuha kang Betoy ang usa ka-kutsilyo nga maoy gigamit sa sulay nga pagpangluba, ug gidala sa tambalanan aron sa medical examination. Temporaryong gibalhog na sa pagkakaron ang maong suspetsado sa DCPS detention cell aron kapasakaan sa tukmang kaso batok kaniya.

Leave a Reply

Your email address will not be published. Required fields are marked *