Mandatory training para sa motor riders matagal nang hiling
December 5, 2018
‘Oplan Biyaheng Ayos’ para sa Kapaskuhan umarangkada na
December 5, 2018
Show all

DZKI Iriga
BICOL NAGDADAKOL AN KASO NIN HIV-AIDS

IRIGA CITY. handal ngunian an Department of Health (DOH) sa padagos na paglangkaw kan numero nin mga persona na apektado kan HIV-AIDS sa rehiyon kan Bicol. ini matapos na paluwason kan Departamento an data poon kan bulan na Enero hasta Septiembre ngunian na taon.

Sa resulta maabot sa 229 persona an nag-positibo sa Human Immunodeficiency Virus- Acquired Immune Deficiency Syndrome (HIV-AIDS).

Nagluluwas sa data na nangiginot sa may dakol na kaso iyo an probinsya nin Camarines Sur na igua nin 83, sinundan kan Albay na igua man nin 81, Sorsogon na may 26 na kaso, Masbate igua nin 20, Camarines Norte 15, asin Catanduanes igua man nin 4 na kaso nin HIV.

Poon kan 1984-2017, igua nin 724 HIV kaso na nai-record mientras na poon kan 1984 hasta 2015, 32 ng persona an binawian nin buhay huli sa nasabing hilang.

Katakod kaini, padagos na nagpapaguiromdom an DOH sa mga Bikolano na magin malikay sa pakikipag-durog asin mantineron an solo-solong partner nganing maka-ibitar sa hilang.

Leave a Reply

Your email address will not be published. Required fields are marked *