Umannugot ni Fire Supt. Floro Obrero, firemarshall iti Bureau of Fire Protection wenno BFP iti ciudad ti Laoag, mainaig iti plano ni President Rodrigo Roa Duterte a kasapulan nga agiggem iti paltog dagiti personalidad ti nadakamat nga ahensia.
Inpetteng na dakkel a kasapulan da daytoy tapnon iti kasta masalakniban da dagiti bagbagida nu kasta man nga adda pakairisgoan da.
Innayon pay ni Obrero, nga adda innem a pulo a porsiento iti nagturpos ti BS Criminology manipud iti kameng ti BFP. Kabayatanna, no man matungpal iti kalikagom ti Presidente masapol a dumalanda latta iti seminar tapno makaala da iti lisensya nga agiggem iti paltog.
Gapu ken daytoy a kalikagom mabalin tu payen nga agtiliw dagiti kameng ti BFP kadagiti masakupanda a mapaneknekan nga aglasbing iti paglintegan agraman dagiti wanted persons.
Nagyaman la unay ni Obrero kenni President Duterte gapuanan ken daytoy a gandat na wenno plano na a pagsayaatan ken pagbenepisyaranda.