30 C
Manila
Friday, March 29, 2024

Beteranong Kanhi Sakop Sa Kongreso Mibanhaw Sa Plano Nga Buk-On Ang Lalawigan Sa Sugbo

- Advertisement -

Ang naila nga Sugboanong kanhi magbabalaod nagplano nga banhawon ang tinguha nga masi-ak ang lalawigan sa Sugbo.

Si Toledo City, Cebu Mayor John Henry Osmena, kanhi senador ug kongresista nagtinguha nga iduso niya ngadto sa kongreso ang usa ka balaodnon nga nagtinguha pagtukod sa laing probinsya gikan sa ika-tulong distrito sa Sugbo.

Si Osmena kinsa kandidato karon pagka-kongresista alang sa ika-tulong distrito sa Sugbo, nagkanayon nga ang labing una niyang balaodnon nga iduso ngadto sa ubos balay balaoranan (House of Representatives) kon siya modaog atol sa May 13 midterm elections, mao ang balaodnon nga magmugna sa Cebu Occidental.

Ubos sa maong balaodnon matud ni Osmena, ang mamugna nga Cebu Occidental, langkuban sa mga lungsod sa Barili, Aloguinsan, Balamban, Pinamungahan, Asturias, Tuburan ug Toledo City, pulos kani nahisakop sa ika-tulong distrito sa Sugbo.

Niadtong 2007, daghan nang mga balaodnon ang giduso ngadto sa ubos balay balaoranan nga nagtinghua usab pagbu-ak sa lalawigan sa Sugbo ngadto sa upat ka mga lalawigan. Apan hugtanong gisupak sa mga Sugboanon ang gitawag nga Sugbuak bills. 

Ubay-ubay usab nga mga mayor sa lalawigan sa Sugbo ang hugtanong misupak sa Sugbuak bills. Ang labing uwahi nga miduso ngadto sa ubos balay balaoranan sa laing bersyon sa Sugbuak bill  mao si Kongresista Aileen Radaza kinsa maoy representante sa Lapu-lapu City lone district. Ubos sa maong balaodnon ni Radaza, nagtinguha ang kongresista nga mahimong usa ka lalawigan ang Mactan island nga karon tipik sa lalawigan sa Sugbo.

Ang mga Sugboanon nga supak sa Sugbuak bills nagkahi-usa sa ilang baruganan nga dili gyod angayang bungkagon ang lalawigan sa Sugbo sa katarungan nga makadaot kini sa makasaysayanong aspeto sa lalawigan sa Sugbo.

Samtang sa iyang bahin, si Atty. Pablo John Garcia kandidato sa pagka-kongresista sa ika-tulo nga distrito sa Sugbo mipadayag usab sa iyang pagsupak sa Sugbuak bill ni Osmena. Gihulagway ni Garcia nga dangerous and reckless proposal  ang maong tinguha kay kini, matud pa niya makadaot sa economic viability sa Sugbo.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -