Bigbigbigen ni Gob. Matthew Marcos Manotoc ti turismo ken agrikultura a kangrunaan nga industria ditoy Ilocos Norte. Segun kenkuana, masapul nga ad-adda pay a mapasayaat ken maipadur-as dagiti nadakamat nga industria.
Mainaig iti daytoy, ginutigotna dagiti punong barangay iti duapulo ket uppat a barangay ti ili a Sarrat a mangipadanon iti gobierno probinsial kadagiti pagkasapulan dagiti mannalon.
Inbunannagna a nupay agtultuloy ti panangipaay ti probinsia ti tulong kadagiti mannalon ket sindadaan a mangipaay ti suporta a kalikagumanda. Ulit-uliten ni Gob. Manotoc nga irakrakurak nga ania man a kasapulan dagiti kakailian nga adda pakainaigan ti livelihood ken ekonomia ket nakasagana ti gobierno probinsial a mangipaay.
Mamati ti gobernador a babaen iti daytoy ket ala-listo a matun-uyan ti ar-arapaapen ti probinsia a panagdur-as.
(Source: Provincial Government of Ilocos Norte)