27.2 C
Manila
Friday, March 29, 2024

Batac: Kampanya kontra iti Dengue, ad-adda pay a pinaigetan iti Ilocos Norte

- Advertisement -

Nangrugin dagiti kakailian a bukbuklen dagiti local officials ken volunteers ti nagdalus kadagiti kalkalsada ken kadagiti kanal kas paset iti pannakibinnulig da a manglapped iti panagraira dagiti lamok a paggapgapoan ti sakit a dengue.

Visit RPN DZRL Batac

Iti panangrugin ti panawen ti panagtutudo, napalagipan dagiti kakailian a mangkita a naimbag kadagiti bukod da a lugar a mabalin a pagbalayan ti lamok a mangiwaras ti sakit a dengue.

Segun kenni Dr. Rogelio Balbag, Executive Director dagiti hospital iti probinsia, agpapan iti daytoy nga aldaw Hunio sais ket addan ti nairekord ti Provincial Health Office wenno PHO a 77 a kaso ti dengue sipud idi Enero primero iti daytoy a tawen.

Gapu iti daytoy, ginutigot ni Balbag dagiti kakailian a mangitandudo iti panagdaldalus iti tunggal alas kuatro ti malem kadagiti amin a barangay.

Inbunannagna a kas paset iti kalikagum ni Gob. Matthew J. Marcos Manotoc a mapaigetan ti pananglapped ti probinsia iti mabalin a panagraira ti dengue ket nangala dagiti public hospital ti nayon nga staff dagitoy a mangmonitor iti kaso ti dengue.

Malaksid iti daytoy, nangbukel pay ti PHO iti sumagmamano a grupo a mangpugipog kadagiti kiti-kiti.

Naipagunamgunam pay kadagiti kakailian ti panangobserbar iti ‘4S Kontra iti Dengue’ a Search and destroy mosquito breeding sites; Self-protection; Seek early consultation; and Say yes to fogging.

Napaggunay metten dagiti barangay, municipal ken provincial dengue brigade bayat nga addan iti “alert level status” ti probinsia kontra iti dengue. (Irene Ringor)

(Source: Provincial Government of Ilocos Norte – Communications & Media Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -