Naiget a supsuportaran no Gob. Matthew Marcos Manotoc iti programa ti Poblacion Burgos, Ilocos Norte iti sabali pay a programa da a gulayan sa Barangay Makakalikasan Aksion at Tulong sa Taong Bayan wenno GUBMAT.
Apresiaren ti gobernador ni Punong Barangay Jojie Jimenez a nakapanunut iti nasao a programa gapu ta dakkel ti maitulong na daytoy kadagiti kabarangayan na.
Kuna ti gobernador a nu dumakkel ken agbunga dagiti mula a nateng ken dadduma pay a mabalin a maapit kadagiti intukit da a bukbukel iti GUBMAT ket adda iti pagraramanan da.
Kuna ti gobernador a malaksid pay a makatulong ken mangparay-ray iti programa na a narimat nga aglawlaw nga itantandudu na kadagiti amin nga iti iti intero a probinsia.
Immune una ngem iti daytoy, impakaammo ti punong barangay nga agtultuloy pay laeng ti gulayan sa barangay makakalikasan aksion at tulong sa taong bayan wenno Gubmat iti bukod da a barangay sumagmamanon a tawen ti napalabas.
Kunana a balbalaiwan da laeng ti disenio na, pagbalinen da nga Eco Park tapno napinpintas pay a buybuyaen babaen iti panagmula pay kadagiti patubo a kayo a fruit bearing trees.
Inbatadna a nagipanda kadagiti nagduduma a mulmula a mangpadaeg pay iti aglawlaw malaksid kadagiti mula a natnateng.
Kunana a nausar pay dagiti inapit da a bunga dagiti mulada a natnateng nga inbunong nga ayuda kadagiti nalockdown a pamilya iti Poblacion Burgos kabayatan iti kangitingitan ti covid-19.
Maipalagip a naestablisar ken napanunutan daytoy a proyekto ni Jimenez iti bukod da a barangay kas panangsuporta metten iti programa ni Gob. Matthew Marcos Manotoc a Narimat nga Aglawlaw. (Rodrigo Sadian)
(Source: LGU Burgos, Ilocos Norte)