Sinaludran ni Gob. Matthew Marcos Manotoc iti programa a Basura Exchange School Tiange a nagbalin a BEST on Wheels ti barangay Poblacion, Burgos nga idaulwan ni Punong Barangay Jojie Jimenez.
Segun iti Gobernador, napintas ken epekribo ti nasao a programa a gapu ta mangalay-ay pay daytoy iti adu a basura nangruna iti plastic.
Inlawlawag na a daytoy ket mangsupsuporta metten iti inrubwatna a programa a Narimat nga Aglawlaw a panangtagiben iti nadalus nga aglawlaw.
Malaksid iti dayoty, kunana nga agbalin pay a nausar dagiti maurnong a basura a plastic dagiti umili gapu ta maisukat da iti grocery items.
Inapresyar met ti gobernador ti punong barangay a nakapanunut iti nasao a programa a nakabigbigan iti ili a Burgos ken nakaidaydayawan met ti probinsia nga Ilocos Norte gapu iti kaadun dagiti napan nagbench marketing iti nasao nga ili.
Maipalagip nga immunan nga inrubuwat ti Brgy. Poblacion Burgos ti nasao a programa idi june 2019 ngem temporary a naisardeng gapu iti COVID 19 pandemic ngem baliw a nairubwat manen idi 2021. (Rodrigo Sadian)
(Source: Provincial Government of Ilocos Norte)