28.9 C
Manila
Friday, March 29, 2024

Batac: Gob. Marcos Manotoc, kalikagumna nga ad-adu pay a negosyante dagiti may agpoonan iti probinsia

- Advertisement -

Napintas a panangkumbinsir ti kasapulan tapno maallukoy dagiti lokal ken gangannaet a negosyante nga umay agpuonan ditoy Ilocos Norte.

Daytoy ti nagbalin a karit ni Gob. Matthew J. Marcos Manotoc kadagiti nagatendar iti Workshop in Local Investment’s and Incentive Code Updating iti provincial auditorium nga inwanwan ti Invest Office nga idadaulwan ni Ms. Soya Cheng Bueno.

Maibilang kadagiti nagatendar ket dagiti pannakabagi ti Business Permit and Licensing Division manipud kadagiti nagduduma nga ili ken dua a siudad ditoy Nlocos Norte a naangay iti Provincial Auditorium.

Ginutigut ti gobernador dagitoy nga aramiden amin a kabaelan iti epektibo a panangawis kadagiti negosyante tapno ad-adu pay dagiti maallukoy nga umay agnegosio dtoy Ilocos Norte.

Masapul nga ilawlawag kadagiti maseknan nga investors dagiti napipintas a maipaay a pagsayaatan ken insentibo para kadakuada.

Kuna ti gobernador a napintas a lokasion ti Iocos Norte a pangipasdekan iti negosio gapu ta asideg iti get way ti East Asia ken China ken agpadpada nga addaan iti seaport ken airport.

Mamati iti ama ti probinsia a babaen iti adu nga investors nga umay ditoy Ilocos Norte mapataud met iti adu a pagtrabahoan ken pamastrekan dagiti kakailian a maysa daytoy kadagiti ipangpangrunana iti babaen ti administrasion na.

Source: PGIN

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -