Intuloy manen ni Ilocos Norte Gob. Mathew Marcos Manotoc iti nagibunong ti regalo kadagiti kailian iti nagduduma nga ili ditoy probinsia kas paset iti NariMatt a Paskua Christmas caravan 2021.
Karaman kadagiti nagturungan ti gobermador ket iti ili a Paoay ken ciudad ti Batac kadua na dagiti opisial ti probinsia ken dagiti nagduduma a Dept. heads.
Binayabay ken inpaay met ti naan anay a supurta dagiti taga Paoay kangrunaanna dagiti opisial ti ili nga indaulwan ni Mayor Romulo Acdal. 112 dagiti recipients iti cash for work wenno dagiti nagtrabaho iti uneg ti lima nga aldaw nga agpapada nga immawat iti 1,275 pesos.
Naipaayan met iti food packs dagiti senior citizens ken indigent families kas regalo pay ti gobernador ita a holiday season.
Immawat met iti medicines dagiti Barangay Health Workers nga ibinglay da kadagiti kabarangayan da nga agkasapulan iti agas.
Adda pay ti naibunong a veterinary medicines kadagiti addaan iti taraken a dingwen babaen met ken ni Provincial Veterinarian Dr. Loida Valenzuela.
Nagyamanan met ti gobernador dagiti umili kangrunaanna dagiti opisial ti barangay, BHW ken Tanod iti tulong ken supurta da ti administrasionna ken iti pannakaipababa ti kaso iti covid 19 tapno agbalin a naragsak ti paskua. Iti baet daytoy, indawat na ni Gobernador Marcos Manotoc iti agtultuloy a panagan annad ken panangsurot kadagiti minimum health protocols tapno saanen nga agsubli ti nangato a bilang iti kaso ti covid ditoy Ilocos Norte.
(Source: Provincial Government of Ilocos Norte)