Personal a binisita ni Gob. Matthew Marcos Manotoc ti Bangui District Hospital iti ili a Bangui.
Ti Bangui District Hospital iti immunan a pinasiar ti gobernador kalpasan iti eleksion.
Ti panagbisita iti gobernador kadagiti district hospitals ket paset pay laeng iti kari na a panangpasayaat pay iti healthcare system ti probinsia.
Ininspection ti gobernador iti indonar a health facility ti Jesus V. Del Rosario Foundation, Inc. a nakikammayetan ti Kservico Trade, Inc. iti Bangui District Hospital.
Inamad ken kinita pay ti gobernador iti pagdur dur asan dagiti maipaspasdek a proyekto infrastractura iti nasao a balay pagagasan nga imanmaneher ti gobierno probinsial.
Manamnama a sumaruno a bisitaen ni gobernador Marcos Manotoc iti sumarsaruno nga aldaw dadduma pay a District hospital ti probinsia kas iti Dingras district hospital, Piddig District Hospital ken Donia Josefa E. Marcos District Hospital iti ili a Marcos. (Rodrigo Sadian)
(Source: Provincial Government of Ilocos Norte)