- Advertisement -
Maikonsiderar a ballaygi ti Bayanihan Bakunahan iti siyudad ti Batac.
Daytoy ti pinasingkedan ni Bise Mayor Atty. Windell D. Chua agsipud ta naruay dagiti nagpabakuna sipud pay idi kalman.
Kuna ni Chua a malaksid a mabakunaan dagiti kakailian da ket adda pay iyawid da nga insentibo a maysa a supot a groserya.
Inlawlawag ni Chua a Tapno ad-adda pay a maguyugoy ti rikna da nga agpabakauna babaen kadaytoy nga insentibo.
Maragsakan met ti bise Mayor gapu iti positibo a panangapseptar dagiti kakailian da daytoy a programa.
Dua ti nakatuding a Vaccination Center iti agdama iti Imelda Cultural Center ken iti Covered court iti Immaculate Conception academy.
(Source: City Government of Batac)
- Advertisement -