Impeksa ni kapitan romeo bagaoisan iti Brgy. Baay ti panagyaman na iti pamilya Marcos gapu iti panangbigbig da ti kontribusyon da iti panangabak ti Team Marcos nangnangruna ken ni Pres. Bongbong Marcos ken ni Gobernador Matthew Marcos Manotoc ken ni diputado Angelo Marcos barba iti kalkalpas nga eleksyon.
Ti baay ti nangipaay ti kadakkelan a porsyento ti botos ni BBM ken kasta met ken Gob. Matt isut gapu na a pinili da ti Brgy. Baay a nangiwayatan iti panagyaman party idi laeng kalman.
Ti panagyaman party ket inatendaran ti gobernador ken ni Senadora Imee Marcos pakairamanan da Mayor Albert Chua ken ni Bise mayor Windell Chua ken dagiti kokonsehales ti Batac.
Mainaig iti daytoy ket ingkari ni Sen. Imee ti nabuslon a tulong para ti siudad ti batak partikular ti baay babaen ti panangipaay ti senadora ti maysa a truck nga usaren dagiti bumaranngay. Ingkari met ni Gob. Matthew ti panangipaay da ti adu a livelihood projects para kadagiti bumaranngay ti baay.
Malaksid iti baay naiwayat pay ti panagyaman party idiay Gabut Norte Badoc, Ilocos Norte, Nueva Era, Ilocos Norte ken Brgy. San Marcelino, Dingras, Ilocos Norte. (Rod Sadian)
(Source: Brgy. Baay, City of Batac, Ilocos Norte)