Makibinnulig ti bogierno probinsial iti kalikagum ti Department of Energy a maipababa ti konsumo ti kuryente.
Inlawlawag ni Engr. Pedro Agcoili Jr., mangidadaulo ti Probincial Planning and Development Office ti gobierno probinsial a nabayagn a nangipatingpal ti probinsial kadagiti adding a makatulong a mangipababa iti konsumo ti kuryente.
Impalgakna nga iti administrasyon ni Senador Imee Marcos bayat a daytoy ti gobernador ti probinsial ket inpursigina ti panagusar iti ‘’inverter technology’’ ken LED lights.
Imbatadna nga immune pinasukatan ti senador dagiti incandescent lights iti Gov. Roque Ablan Sr. Mem. Hospital.
Kuna ni Agcaoili nga intultuloy ni Gob. Matthew Marcos Manotoc ti ‘’energy efficiency program’’ ti probinsia.
Inbunannagna nga adda payen ti plano ti gobernador nga agusar ti gobierno probinsial ti ‘’solar energy’’.
Nupay kasta, kunana nga adda pay laeng dagiti ‘’pilot offices’’ a pakaipatungpalanna gapu ta iti agdama ket saan pay a perpekto ti teknolohiya ti solar.
Mainaig iti daytoy, inlawlawagna a mabalin a sumagmamano a solar panel pay laeng ti umun-una a maiyestablisar a pangrugian.
Segun kenkuana, adda ti diaya dagiti solar energy companies ditoy probinsia ken ni Gob. Manotoc a naiget nga ad-adalenna pakairamanan ti provincial legal office.
Malaksid iti daytoy, impalgak ni Agcaoili nga adda ti pmmilin ni Gob. Manotoc a maiddep dagiti silaw a saan a maus-usar ken mai-off dagiti ‘’appliances’’ a saan a maus-usar.
Innayonna a no adda dagiti angayen ti gobernador a taripnong ket maisayangkat iti ruar rason a ti laeng a mausar a kuryente ket ti mangpaandar iti mikropono.
(Source: Ilocos Norte Electric Coop.)