Agpapada a 4,000 pesos ti awaten iti tunggal maysa a Jeepney Operators and Drivers Association ken dagiti tricycle operators and drivers association iti intero a probinsia.
Daytoy ti inrakurak ni Gob. Mathew Marcos Manotoc kalpasan a narugyan metten a nabunungan dagiti Tricycle Drivers iti ilia Banna.
Kuna ti gobernador a 105 tricycle beneficiries iti nasao nga ili ti immawat iti ayuda manipud iti gobierno probinsial.
Inlawlawagna a daytoy ket kas tulong pay laeng ti probinsia kadagiti JODA ken TODA gapu pay laeng iti agtultuloy a panagngato ti presyo dagiti produkto iti petrolyo nupay nagipangato ti LTFRB iti singir ti plete.
Malaksid iti gas subsidy, adda pay iti insurance dagitoy no bilang adda ti mapasamak kadakuada kabayatan nga agpaspasada da.
Ti pannakaibunbunong iti 4,000 pesos cash ket naipaim iti metro ilocos norte council babaen kada Atty. Perry Martinez ken Atty. Nikki Pilar.
Immunan nga impasingked ti gobernador nga agtultuloy daytoy a tulonga maipapaay kadagiti jeepney ken tricycle operators and drivers association a nangrugi pay kabayatan iti kangitingitan ti covid 19 pandemic. (Irene Ringor)
(Source: Provincial Government of Ilocos Norte)