Davao City- Malipayon ang pipila ka mga Overseas Filipino Workers sa rehiyon onse human sila makabalik sa nasud gumikan sa nagkalain- laing suliran sa ilang pagpanarbaho gawas sa Nasud. Kini human sila nga nakabenpisyo sa programa sa kagamhanang nasyunal pinaagi sa “ Balik Pinas, Balik Hanapbuhay Program” ilawom sa Overseas Workers Welfare Administration kun OWWA.
Kagahapon sa buntag atol sa gipahigayong Flag raising ceremony sa OWWA Regional Office XI nakadawat ug tig 20 mil pesos ang matag usa kanila alang sa inisyal nga pamuhunan sa buot nila nga mamahimong negosyo. Samtang ang mga dependents nga namatayng mga OFW kinsa aktibo sa OWWA ang nakadawat usab ug tig 120 mil pesos nga Death and Burial Benefits.
Sumala pa ni Atty. Antonio B. Partoza isip pinasidunggang dinapit nga kanunayng naglingi ang kagamhanan sa atoang mga Overseas Filipino Workers nga nakasinati ug nagkalain- laing suliran sa ilang pagpanimpalad sa langyawng nasud aron lamang nga dunay ibuhi sa pamilyang gibiyaan sa Pilipinas.
