Nagmalampuson ang gipahigayong soft opening ug pag-hatag ug panalangin sa bag-ong Sangguniang Panlalawigan building human nga gipahigayon ang Monday morning sharing nga naandang programa sa probinsiya matag unang adlaw sa ting-trabaho.
Ang paghatag sa panalangin gipangunahan ni Fr. Larry Espuerta ug gitambongan ni Vice Governor Arturo Carlos EgarJr. ug mga board members ug mga staff. Naghimong nagmabulokon ang paghatag sa panalangin sa matag lawak sa Sangguniang Panlungsod, lakip na ang bag-ong conference ug session hall.
Kini gikalipay sa mga board members ug mga staff niini nga nakitang fully furnished ang mao nga building, apan wala madayon ang ribbon cutting kay wala kaabot si Gen. Madrigal nga maoy unta usa sa dinapit nga bisita, sa pinaka-ulahing impormasyon nga nakuha sa radyo ronda ang cutting of ribbon adto na ipahigayon sa 1st quarter sa tuig 2019.