Ang buhatan sa maayong pangalawas ning dakbayan kun City Health Office, mipahigayon sa bag-ong pamaagi sa pagsanta sa mga lamok na maoy nag-dala sa sakit nga dengue sa gitawag nga “Misting Operation”.
Kini mao nga paagi ang pag-patay sa hamtong na nga lamok nga maoy nagadala sa dengue virus nga mao ang usa sa nag unang sakit nga gikahadlokan sa katawhan diin bag-ohay pa lamang diri sa atong dakbayan ug lalawigan mi-atake.
Sa pag-pasabot ni Mrs. Garosfe Menor, ang communicable disease cluster coordinator sa City Health Office, na gawas niining misting operation, gipadayon usab ang gitawag nga dual clean-up operation sa mga kabarangayan sakop ning dakbayan.
Dugang pa ni Mrs. Menor nga aron malikayan nga adunay makalas nga kinabuhi, gikinahanglan usab ang sayo nga konsultasyon ngadto na sa mga pinaka-duol niining mga barangay health centers, ilabi na gayud kadtong adunay hilanat gikan na sa usa ngadto sa tulo na ka-adlaw aron mapahigayon ngadto sa pasyente ang libreng Rapid Dengue Test diin paagi kini aron sayron kun ang pasyente natakbuyan ba gayud sa sakit nga dengue.
Ang libreng Rapid Dengue Test usa kini ka eksaminasyon sa sakit nga dengue diin usa sa gipang-hingusgan ug gimando sa amahan sa dakbayan Mayor Matugas alang na sa tanang katawhan diin ang tumong ug tuyo niini mao nga ma-protektahan ang kinabuhi o kinahanglang wala nay mamahimong biktima sa gikahadlukang sakit nga dengue.