27.2 C
Manila
Friday, March 29, 2024

Bag-Ong IP Representative Sa SB Talisayan Nanumpa Sa Pangatungdanan

- Advertisement -

Usa ka mahinungdanong adlaw alang sa sektor sa Indigenous People sa lungsod sa Talisayan human nga pormal nang nanumpa si Datu Tungatok Vernilo Mangmang sa Sangguniang Bayan subay sa Installation as the Indigenous Peoples Mandatory Representative (IPMR).

Nahitabo ang oath-taking ceremony niadtong miaging semana kon diin si Datu Tungatok nanumpa ubos mismo kang Gobernador Bambi Emano.

Gisalmotan sab kini nila Provincial IPMR BM Datu Salagaan Allan Mandokita uban sila BM Wayne Militante ug BM Frederick Khu, 1st District- MisOr Representative Hon. Christian Unabia, Gingoog City Vice Mayor Hon. Peter M. Unabia ug Talisayan Mayor Hon. Rommel C. Maslog.

Spesyal usab nga misaksi sa kalihokan sila National Commission on Indigenous People- 10 RD Ana N. Burgos uban sila NCIP PD Fundador Benajon Jr. ug Gingoog City NCIP Head Anna Mae Galla, DILG- 10 RD Arnel M. Agabe, LGU officials sa Talisayan, ug ang pamilya ni Datu Tungatok.

Puno sa emosyon nga mihatag sa iyang mensahe si Gobernador Bambi sa tanang mitambong sa kalihokan hilabina ngadto sa tanang kaigsuonang IPs.

Malipayon ang amahan sa lalawigan nga natuman gayod ang pangandoy sa maong grupo nga mahimong dakong kabahin alang ngadto sa katumanan sa daghanan kalamposan nga maugmad alang sa kalamboan sa tibuok lalawigan.

“Sulod sa siyam ka tuig isip Gobernador, sayod kamo nga giampingan ko ang inyong ngalan ug pagsalig. Wala ko nagpakauwaw ug labaw sa tanan naningkamot ko nga maalagaran ang katawhan labina ang ma kabos ug kamo mga myembro sa IPs. Akong dakong pahalipay kay Datu Tungatok,” mensahe ni Gobernador Bambi.

Samtang giisip ni Datu Tungatok nga usa ka bulawanong kahigayonan ang manerbisyo uban ang panggamhanang probinsya sa Misamis Oriental tungod kinasing-kasing niini nga tinguha nga makatabang sa iyang kapamilya nga mga IPs.

Misaad kini nga buhaton niya kutob sa iyang magahom aron maka-suporta sa mga programa sa kagamhanang probinsya.

“This is part of the memorables of my life ug dili ko kini malimtan. So I’ll serve and do my work, especially serving for the IPs people. Kung ano pa ang mahirap sa mga Indigenous People, ako ay tutulong uban ang LGU Talisayan ug tibuok Provincial Government of Misamis Oriental. Salamat gyod kaayo ani nga oportunidad,” sulti ni Datu Tungatok.

Ang pagpanalipod sa tanan ug paghatag bili ngadto sa tanang sektor nga dunay patas nga pagtagad ug pribilehiyo nga mouswag, mao gayod ang prayoridad sa Administrasyon ni Gobernador Bambi ug sa maong rason, nahatagan katumanan ang sektor sa Indigenous People aron mabayaw ug madungog ang ilang mga maayong plano ug magpabilin ang tukmang pagtagad nga takos alang kanila.

(Source: Public Information Office-MisOr)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -