Isa ka Audit Observation Memorandum (AOM) an tag-pagawas nan Commission On Audit (COA) Surigao Del Norte pinetsahan Enero 28 ning kasamtangang tuig nga nag-latid na human sa ila pag-review sa operasyon nan Surigao City economic enterprise. Na-obserbahan na an aktwal na koleskyon sa calendar year 2018 gikan sa Surigao City Public Market, slaughter house, land transport terminal sanan sa gov’t buildings and facilities, no-saka nan may 10.30% o balor 3.2 milyon ka pesos ug ini sumaya pa tungod sa strikto na implementasyon sa market code.
Dugang pa sa ini na COA-AOM no. 2019-07 na labaw pa nan 7.77% o balor 2.5 milyon ka pesos kapin an aktwal koleksyon kumpara sa tag-target na koleksyon para sa tuig 2018. Pinermahan nila ni Regiemark Tabinas, an audit team leader sanan Romeo Uy, an supervising auditor an naasoy na COA-AOM no. 2019-07.