Dumating na sa Los Angeles, California si International Boxing Federation (IBF) super-flyweight champ na si Jerwin Ancajas upang asikasuhin ang magiging laban nito bago matapos ang taon.
Matatandaang nais ni Top Rank Promotions Chairman Bob Arum na makita ng personal si Ancajas upang malaman ang kondisyon nito bago magdesisyon kung isasabak na ito sa boxing ring.
Pero ayon naman sa trainer ni Ancajas na si Joven Mendez, nasa kondisyon na ang kanyang alaga at sa katunayan at nakapagsagawa pa ito ng 8th round sparring pagdating na pagdating palang nila ng L.A.
Magugunitang dalawang beses hindi natuloy ang title defense ni Ancajas dahil sa banta ng COVID-19 at nais naman ni Arum na isa sa tumatayong promoter nito na magkaroon ng isang magandang laban ang Pinoy Boxing Champ bago matapos ang taon.