Ambulansya Donasyon Nan Kagamhanang Provincial Ngadto Sa Ciudad. Tag Turn-over Sa Emergency Response Services

Isa ka simple na seremonya an tag-pahigayon sa City Hall para sa opisyal na turn-over nan isa ka ambulansiya na kumpleto sa aksisorya, donasyon kini gikan sa kagamhanang provincial sa Surigao Del Norte ngadto na sa kagamhanang lokal sa ciudad nan Surigao, pinaagi na kan Gov. Sol Matugas. Mismo si Mayor Ernesto Matugas an nodawat sa naasoy na donasyon na ambulansiya na no-asssign isab dinhi ngadto sa Emergency Response Service kun ERS sa pagdumaya ni Mr. Charlie Espinosa. Tagpamahayag ni Mr. Espinosa na ija paningkamutan na magamit an ambulansiya subay sa tinguha nan nag-donar na mas mapakusgan an serbisyo ngadto sa katawhang Surigaonon.