Gitaktdang pasakaan sa kaso ang usa ka janitor sa simbahan nga nasikop niadtong miagong adlaw tungod sa paghimong sex slave sa kaugalingon niyang anak sulod sa unom ka tuig. Gipugngan una ang pagbutyag sa ngalan sa maong suspetsado aron dili mahiba-ang identification sa iyang 14-anyos nga anak.
Matud pa ni Maj. Mario Manlata, Jr ang hepe sa Puerto Police ning syudad sa Cagayan de Oro nga karong adlawa pormal nilang pasakaan sa kaso ang suspetsado sa City Prosecutor’s Office.
Ang kapolisan miaresto sa 39 anyos nga suspetsado sa ilang pinuy-anan sa barangay Agusan ug kasamtangan karong anaa sa prisohan. Sud sa bilanggoan, gi-angkon sa suspetsado kinsa usa ka church janitor sa simbahang Baptist nga iyang giabusuhan sexually ang iyang anak sud sa pipila na ka tuig. Matud pa sa otoridad nga dili momenus 50 ka higayon nga girape sa suspetsado ang kaugalingong anak sukad pa nga nagpanuigon kini sa otso anyos.
Nasayran nga ang suspetsado dugay nang bulag sa iyang asawa, ang inahan sa biktima ug nminyo na kini sa laing lalaki. Sa pangutana nganong nabuhat niya paglugos sa iyang anak, matud sa suspetsado nga natintal ra isya ug karon nagbasol siya sa iyang nabuhat.