30.9 C
Manila
Friday, March 29, 2024

Aktibong pag-recruit sa rebeldeng NPA, gikompirmar

- Advertisement -

CAGAYAN DE ORO CITY, June 28 — Tungod maayo ang kalidad sa edukasyon sa atong gobyerno wala motuo ang katawhan sa gihanyag sa mga rebelding NPA nga Education Package.

Kini ang pamahayag ni konsehal Romeo Calizo, chairman sa komite sa police, fire and public safety sa Cagayan de Oro City atol sa ilang senemanang programa sa radio nga Ang Konseho Karon: The Mover of Change and City’s Development.

Matod ni Calizo nga aktibo karon ang pagpang-recruit sa mga rebelde sa atong igsoong sibilyan particular dinhi sa Talakag, Bukidnon ug mitanyag sa libreng edukasyon apan tungod sa pagpalapad sa programa sa edukasyon sa gobyerno wala mahaylo ang katawhan kanila.

Hinuon, ang katawhan pa mismo maoy misumbong ngadto sa atong kasundalohan kalabot sa ilang kalihukan.

Dugang ni Calizo nga ang Guerrilla Front-12 sa New People’s Army (NPA) nga nag-operate sa Bukidnon ug kasikbit nga bahin sa lalawigan sa Misamis Oriental ang nag-organisa sa mga sibilyan nga mouban sa ilang kalihukan apan pakyas sila tungod sa hugot nga seguridad usab nga gipatuman sa atong mga kasundaluhan ug kapolisan.

Niini, nanawagan ang konsehal sa tanang mga opisyal sa barangay nga makig-tambayayong kanunay sa gobyerno ug itaho dayon kun adunay ilang mamatikdan nga mga kadudahang grupo nga mag-organisa ug maghanyag sa libreng edukasyon kay panglingla kini sa katawhan. (El Kapitan/CdeOSP)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -