General Santos City–Mukabat ngadto sa 7.5 million ka pesos nga kantidad sa mga nakumpiskang iligal nga droga sa mga gipahigayon nga operasyon sa PDEA-12 sulod sa ilahang area of responsibility nga nadisisyonan na sa korte ang gisunog atubangan sa media, stake holder ug awtoridad alas 2:00 pasado ang takna sa hapon sa Monte Cielo Eternal Garden nga nahimutang sa Prk 5, Intake, Barangay Mabuhay ning syudad.
Sumala pa ni PDEA-12 Regional Director Naravy Doquiatan nga gilangkuban kini sa 1.1 ka kilo sa shabu, 1.4 kilo sa marijuana, mga nagkadaiyang tabletas ug drug paraphernalia.
Gisunog matud pa ang mga nasangpit nga droga aron usab nga sundon ang naka latid sa RA 9165, sec 21 kung asa gikinahanglan matud pa nga gub-on ang mga ebidensya human kini nga giturn-over balik ngadto sa ilahang opisina gikan sa korte.
Dugang pa niini nga pamaagi usab kini aron nga ipakita sa katawhan nga wala gina recycle sa PDEA ang mga droga nga ilahang makompiska sa ilahang mga operasyon