Paggunita sa Bonifacio Day sasabayan ng kilos protesta
November 29, 2018
Rollback sa LPG sasalubong sa unang araw ng Disyembre
November 29, 2018
Show all

DYKC Cebu
5 MILYONES PESOS NGA BALOR SA SHABU NASAKMIT GIKAN SA USA KA GITUHO-ANG SHABU QUEEN SA SUGBO

Nasakmit sa kapolisan ang mokabat sa singko milyones pesos nga gituho-ang shabu gikan sa usa ka babayeng drug dealer atol sa buy bust operation sa Barangay Subangdaku, Mandaue City kaganihang pasado alas dose sa gabii, Nobeyembre 29, 2018.

Giila sa kapolisan ang gitumbok nga drug queen  nga si Belen Abellana, 36 anyos, taga-Barangay Duljo Fatima, Cebu City. Upat ka mga dagkong pakete sa gituho-ang shabu nga adunay gibug-aton nga kwatro sientos (400) gramos ang nasakmit sa kapolisan gikan sa nahisgutang drug personality.

Matud ni P/Supt. Bernouli Abalos sa Mandaue City Police Office nga gipahigayon nila ang usa ka semana nga surveillance  human nila madawat ang report bahin sa drug activity ni Abellana. Hini-usang pwersa sa mga sakop sa Cebu Drug Enforcement Unit (CDEU) ug City Intelligence Branch (CIB) sa Mandaue City Police Office ang mipahigayon sa buy bust operation batok sa drug suspect.

Gitanggong karon sa detention cell sa Mandaue City Police precinct ang lady drug courier samtang gi-andam pa sa kapolisan ang pagpasaka og sumbong kalapasan sa Comprehensive Dangerous Drugs Act of 2002 (R.A. 9165) batok sa drug suspect. ###

Leave a Reply

Your email address will not be published. Required fields are marked *