48 ka mga Barangay sa CDO mawad-an sa supply sa tubig ugma Marso 27

by RPN News
0 comment
48 ka mga Barangay sa CDO mawad-an sa supply sa tubig ugma Marso 27

Moabot sa 48 ka mga barangay sa Cagayan de Oro City makasinati sa pito ka oras nga way supply sa tubig ugma, Miyerkules, Marso 27 subay sap ag-anunsyo sa Cagayan de Oro City Water District. Base sa ilang advisory, ang COWD ug Cagayan de Oro Bulkwater Inc o BOBI maghiusa sa pagpahigayon sa adjustment sa distribution system sa pipeline sa este nga bahin sa dakbayan. Tungod niini, adunay temporary water service interruption sa mga konsumante nga naa sa maong dapit nanimuyo.

Magsugod ang pagkawala sa supply sa tubig gikan sa alas diyes sa buntag hangtud sa alas singko sa hapon diin ang mga dapit nga maapektuhan mao kining mosunod: Barangay 1-40 (Poblacion). Macasandig, Nazareth, Camaman-an, Lapasan, parte sa Gusa, Puntod, Macabalan ug Consolacion.

Ang COWD nagpahimangno sa mga concessionaires sa apektadong lugar sa pagpundo daan sa tubig alang sa consumption sa mga oras nga way supply ugma.

Hinuon, ang water district nagpasalig nga ilang himuon ang tanan aron mahibalik ang normal nga supply sa tubig sa labing madaling panahon.

Related Posts

Leave a Comment