Davao City- Patay ang tulo ka mag ig-agaw human gilamoy sa kalayo ang mga panimalay sa Purok Masagana 9 Andravel, Barangay Central, dakbayan sa Mati, Davao Oriental, 11:30 Biyernes sa gabii, Pebrero 8, 2019.
Sa impormasyon nga gipagula sa Davao Oriental Provincial Government, giila ang mga biktima nga sila Ahmily Earl Halipa, 10 anyos ug Chris Herish Halipa, 3 anyos mag igsuon ug ang ilang ig-agaw nga si Alicia Denise Halipa, 8 anyos.
Sumala ni Fire Senior Inspector Christian Cena, Mati City Fire Marshall, base sa ilang inisyal nga imbestigasyon hinungdan sa sunog duna matod pay nag spark nga kuryente tungod sa napasnit nga wire.
Gibana-banaang mukabat sa 1.5 milyon pesos ang danyos sa sunog ug gideklara nga fire out 3:20 kaganihang buntag, Pebrero 9, 2019.
Gilayon usab nga nangapod-apod og food packs, besti, habol, gamit sa banyo ug uban pa ang lokal nga paggamhanan. Gitunolan usab og pinansyal nga tabang ang nasunogan samtang nagtinir sa evacuation certer sa maong barangay.
