Sinibak ng Pangulong Rodrio Duterte ang tatlong Undersecretary ng Department of Social Welfare and Development o DWSD.
Kabilang dito sina Maria Lourdes Turalde-Jarabe, Undersecretary for Promotive Operations and Programs Group, Mae Fe Ancheta Templa, Undersecretary for Protective Operations and Programs Group at Hope Hervilla, Undersecretary for Disaster Response Management Group.
Nabatid na November 14 nang ipadala ni Executive Secretary Salvador Medialdea ang notice of termination sa mga naturang undersecretaries na itinalaga ng Pangulo noong 2016.
Si Jarabe ay dating Secretary General ng grupong Gabriela, si Hervilla ay Regional Chairperson ng Bayan Muna at si Templa ay miyembro ng Forum of Women for Action with Rody Duterte.
Sinabi ni Jarabe na nagulat siya sa pagsibak sa kaniya dahil sinunod naman niya ang core values na isinulong noon ni dating DSWD Secretary Judy Taguiwalo subalit nagpapasalamat pa rin siya sa oportunidad na ibinigay sa kaniya ng Pangulo para makapagsilbi sa bayan.
—-