‘24-hr work day’ solusyon sa mabigat na trapiko sa EDSA — Panelo

“24-hour work day”.

Ito ang nakikitang solusyon ng Palasyo ng Malacañang upang maibsan ang lumalang bigat ng daloy ng trapiko sa EDSA.

Ayon kay Presidential Spokesman Salvador Panelo, kung gagawing 24-oras ang operasyon ng iba’t-ibang industriya sa Metro Manila ay mababawasan ang “volume” ng mga commuters.

Aniya, kung hahatiin ang operasyon ng mga institusyon kagaya ng bangko, eskwelahan at iba pang establisyimento sa night shift at day shift, ay mababasawan ang bugso ng mga commuters sa EDSA at luluwag ang daloy ng trapiko.