Naaresto sa nakalabay nga adlaw ang 2 ka suspetsado nga miyembro sa New Peoples’s Army nga posibleng may kalambigitan sa nahitabong pagpang- atake sa police station sa Binuangan, Misamis Oriental niadtong Disyembre sa nakalabay nga tuig.
Bitbit sa warrant of arrest nga gisilbi sa Cagayan de Oro, ang mga sakop sa Gingoog City ug Binuangan police miaresto sa mga suspetsado nga nailing sila si Gerry Basahon, 48 nga residente sa Barangay Binakalan sa dakbayan sa Gingoog ug si Carmelita Dorado, 52 anyos nga taga Barangay San Luis.
Ang duha ka mga wanted suspects adunay arrest warrants nga two counts of attempted murder and frustrated murder charges.
Hinuon, ang korte mitugot sa mga suspetsado nga makapyansa sa tag P120 mil pesos matag kaso. Matud pa ni Supt. Ariel Philip Pontillas, ang police chief sa dakbayan sa Gingoog nga ang duha ka suspetsado mga miyembro sa Guerilla Front 4B ug mga suspetsado sa pagpang-atake sa Binuangan town police station niadtong December 3.
Ang maong pangpang-atake miresulta sa pagkasamaran sa upat ka mga police apil ang station’s commander.