34.7 C
Manila
Thursday, March 28, 2024

102 CAFGUS Migradwar Sa Usa Kaadlawng “Cooperative Pre-Registration Seminar”.

- Advertisement -

Davao City102 gyod ka mga Citizens Armed Forces Geographical Unit (CAFGU) ang migradwar  bag-o lang sa usa kaadlawng “Cooperative Pre-Registration Seminar” nga gipasiugdahan sa probinsiya pinaagi sa Cooperative Development Division sa Comval PAGRO, ug sa Cooperative Development Authority (CDA), ug sa Philippine Army (PA).

Parte sa “Serbisyong Walang Iwanan” nga gipakusog sa Comval ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy ang pag-atiman sa mga panginahanglan sa mga CAFGUs pinaagi sa paghatag ug ayuda sa ilang panginabuhi.

Tuyo sa maong seminar ang paghimo og koop sa mga CAFGU tungod, matud ni Gov.  Tyron Uy nga mas dali para sa Gobyerno nga makahatag ug ayuda sa Livelihood pinaagi sa kooperatiba diin gipasalig sa gobernador atol sa iyang mensahe ang paghatag ug dakong suporta sa koop sa mga CAFGUs aron kini molambo ug makatabang sa tanang CAFGU Members nga mas moarang-arang ang kahimtang sa ilang pamuyo.

Ang Seminar nahitabo sa kapitolyo dili pa lamang dugay diin nakauban ni Gov. Uy nga mihatag og inspiring messages sila 25th IB Commander Oscar Balignasay, Alpha Company Commander Capt. Jonor U Delicanasa 72nd IB,  1001st Brigade Deputy Commander Col. Glenn Jun Calabuhay, ug 72nd IB Commander LTC Davice Christopher Mercado.

Ang 102 ka mga CAFGUs gipailalom sa usa kaadlawng “Cooperative Pre-Registration Seminar” mismo ni Cooperative Development Specialist Carlos Sacatani sa CDA nga maoy Resource Speaker atol sa maong okasyon.

Sa Tibuok Comval adunay 1,800 ka mga CAFGUs matud ni Manny Buladaco diin iyang gipasabot ang paghatag kanila sa gobyerno og ayuda sa ilang livelihood pinaagi sa tukoron nilang kooperatiba.

Sa pagkakaron kasagaran sa CAFGU sa nasud na gadawat og P4,500.00 nga allowance matag bulan, apan dugang ni Buladaco nga posibleng mapadak-an kini tungod gipahibalo na mismo ni Pang. Rodrigo Duterte ang increase sa madawat nilang allowance matag bulan sat uig 2019.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -