CAGAYAN DE ORO CITY- Sa dili pa matapos ang bulan sa Hunyo, gitakda nga mabalik na paghakot paingon sa South Korea ang mga basurang gidala sa Misamis Oriental. Gipasalig ni Engr. Niel Alburo, representante sa Verde Soko Phils Industrial Corporation nga abagahon sa maong kompaninya ang pundo nga moabot 7.5 milyones ka pesos aron mahakot balik ang 5-milmetric tons nga basura gikan sa probinsya padulong sa gawas sa nasud.
Gisugilon ni MisOr Provincial Board Member Boboy Sabal, obligasyon na usab sa Verde Soko ang repacking, containerizing sa pagtransport sa basura gikan sa Mindanao Container Terminal.
Dugtong niini, nagpaabot sa iyang pasalamat si Iligan City Representative Frederick Siao ang Bureau of Customs sa way hunong nga kampanya batok imported garbage nga nakasulod sa Misamis Oriental.
Kon madumduman, si Siao ang naghimo sa special report niini sa kongreso sa dihang nadiskobrehan ang pagsulod sa basuro sa Verde Soko dinhi sa probinsya niadtong 2018.